Su Gazetinu, 16 de abrile de su 2021 - LinkOristano

Su Gazetinu, 16 de abrile de su 2021

Chenàbura, 16 de abrile de su 2021

Su Gazetinu OK

Su Gazetinu, 16 de abrile de su 2021

Su Gazetinu

Vatzinos – Sa Regione aberit sa prenotatzione de sa vatzinatzione contras de su Coronavirus a is chi sunt nàschidos intra de su 1952 e su 1953. Tocat a si prenotare in su portale Sardegna Salute. Nudda ancoras, imbetzes, pro is “malàidos dìligos” chi dae tempus meda abetant a ddis fàghere su vatzinu.

Iscrucullu in contu de is vatzinatziones – S’ammànniat s’iscrucullu de sa Procura de sa Repùblica de Aristanis in contu de is vatzinos contras de sa Covid-19 fatos a amigos e parentes e chi at portadu a iscrìere in su registru de is indagados a 11 mèigos e a 4 infermieris impignados in su poliambulatòriu de sa Assl. Su procuradore Ezio Domenico Basso at annuntziadu averiguaduras fintzas me in is àteros tzentros de vatzinatzione. Pro immoe paret chi siant unas chimbanta is persones chi ant retzidu su vatzinu sena de nde àere deretu.

S’Alighera, intzidente in su traballu – Un’operaju de Nurachi, Lidio Piras, 51 annos, dipendente de un’azienda de Aristanis, est mortu in un’intzidente in su traballu acontèssidu in S’Alighera. Fiat traballende a su contivìgiu de unu serbatoju de gas a intro de unu condomìniu. Paret chi dd’apat avelenadu una pèrdida de gas.

Chenàbura, 16 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta