Su Gazetinu, 1 de martzu de su 2021 - LinkOristano
Prima categoria

Su Gazetinu, 1 de martzu de su 2021

Su Gazetinu

Su Gazetinu OK

Su Gazetinu, 1 de martzu de su 2021

Su Gazetinu

Zona bianca – Dae oe in Sardigna movet sa zona bianca contras de su coronavirus. Proibimentos meda nche ruent, ma tocat comente si siat a istare a s’avèrtida pro ite ca su virus est ancoras presente. Sa Regione at a bogare immoe règulas noas.

Campidanu de Terraba, bias de acontzare – Is bias provintziales de su Campidanu de Terraba bolent acontzadas a lestru, pro ite ca sunt prenas de foradas e ponent in perìgulu sa vida de is automobilistas. Su sìndigu de Terraba Sandro Pili at domandadu s’interventu de sa Provìntzia, ma fintzas de sa Prefetura e de sa Regione. Su sìndigu at regordadu fintzas su problema de su suta-passu de sa zona artesanale chi, ònnia borta chi proet, ddoe abarrat s’abba apaulada e tocat a ddu serrare, cun istorbu mannu pro totu is chi si serbint de cussa bia.

Ispidales – Su Comitadu pro su deretu a sa salude at domandadu de impreare fintzas s’ispidale de Bosa pro is interventos chirùrgicos, cunsideradu chi in Aristanis su prus de is salas operatòrias abarrant serradas pro more ca ammancat su personale. Dae oe si prevident dificultades e istorbos mannos.

Sabarussa – Cun su sanamentu de s’ùrtimu impestadu dae su coronavirus Sabarussa puru est torra unu comune sena de Covid-19. Dd’at fatu a ischire su sìndigu, Mario Tendas.

Lunis, 1 de martzu de su 2021

commenta