Sàbadu comintzat su Carrasegare in Aristanis cun “Abetende sa Sartìllia”
Su manifesteddu
Abetende sa currera a caddu de su connotu, sàbadu chi benit, comintzende dae is 17.00, su tzentru istòricu de Aristanis s’abbiatzat cun “Abetende sa Sartìllia” cun mùsicas, baddos, màscheras e licanias enogastronòmicas de su territòriu.
S’ant a pòdere bìere is màscheras de Sindia, Paulle, Ula e sa truma “Didi s Kamesnice” chi arribat dae sa Croàtzia, is grupos de Tumborrajos e Trumbiteris aristanesos, grupos folk. S’ant a pòdere tastare fintzas màndigos sindiesos, paullesos, ulesos e nurresos, ma ddoe at a àere paradas de street food cun pische frissu, petza arrostida, frituras de durches e turrone.
Martis, su 12 de freàrgiu de su 2019
commenta