Potenziato il distributore in funzione di fianco all'ospedale
Il distributore del latte
Diventato un punto di riferimento per molti ghilarzesi, ma non solo, il distributore di latte fresco in funzione da quasi tre anni, proprio nel centro di Ghilarza, allo spigolo dell’ospedale e di fronte alle scuole, cresce ancora. L’imprenditore agricolo Fabio Oppo, ha potenziato la linea di distribuzione d’acqua e sta lavorando per assicurare prossimamente la distribuzione dello yogurt.
Mercoledì, 23 settembre 2015
Su Gazetinu, mèrcuris 17 de abrile de su 2024
Sa populatzione sarda in nùmeros – In su 2023 sa Sardigna at pèrdidu 8.314 bividores. S’ìsula at cumentzadu s’annu, su 1 de ghennàrgiu de su 2023, cun 1.578.146 bividores e dd’at acabbadu, su 31 de nadale, cun 1.569.832. Ddu narant is istatìsticas de s’Istat, a tenore de is datos frunidos dae is ufìtzios comunales de s’anàgrafe.
Sa populatzione sarda de su 2023 fiat formada dae 799.107 fèminas e 770.725 mascros.
S’ismèngua de sa populatzione in su 2023 dd’at favorèssida prus che totu su saldu negativu intra de nàschidos noos e mortos, chi est istadu de 11.332 persones in mancu. In Sardigna in su 2023 nche sunt nàschidos 7.231 criaduras (3.490 fèminas e 3.741 mascros), mentras sunt mortas 18.563 persones (9.121 fèminas e 9.442 mascros).
Ma est negativu fintzas su saldu de is disterrados internos, cun 31.214 immigrados dae àteras regiones (15.483 fèminas e 15.731 mascros) e 31.812 sardos disterrados in is àteras regiones de Itàlia (15.788 fèminas e 16.024 mascros).
Su contu de is disterrados dae/cara a s’èsteru, imbetzes, presentat unu saldu positivu: a Sardigna nche sunt arribados 6.841 immigrados (2.651 fèminas e 4.190 mascros), mentras 3.225 sardos ant lassadu s’ìsula pro tramudare a s’èsteru (1.509 fèminas e 1.716 mascros).
Sa populatzione furistera residente in Sardigna su 1 de ghennàrgiu de su 2024 fiat de 52.878 persones, 25.237 de gènere maschile e 27.641 de gènere feminile. Una crèschida de 2.667 residentes noos, si si pigat in cunsideru chi in sa matessi data de su 2023 sa populatzione furistera residente fiat formada dae 50.211 persones (23.272 mascros e 26.939 fèminas).
S’edade prus rapresentada intra de is mascros est cussa intra de 30 e 35 annos. Intra de is fèminas, imbetzes, is chi tenent prus de baranta annos sunt de prus. Nche tenimus fintzas 7 fèminas chi ant propassadu is chentu annos de edade.
In totu, su 1 de ghennàrgiu de su 2024 in Sardigna nche fiant 606 chentenàrgios: 488 fèminas e isceti 118 òmines. Is criaduras cun prus pagu de un’annu, imbetzes, in sa matessi data fiant 7.278, est a nàrrere 3.505 fèminas e 3.773 mascros.
Antoni Nàtziu Garau
Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.
commenta