Sos iscavos archeologicos in sa cresia de su tempus Mesulanu de Sant’Antioco di Bisarcio, a bindighi chilometros dae Ozieri, ada a essere s’argumentu de sa rubrica “Imparis”, custu seroin Radio Cuore, a comintzare dae sas sete e binti. S’argumentu l’amus a tratare cun Felice Manai, 26 annos, de Sedilo, chi istudiada Beni Culturali in s’universidade de Thatari.
Felice Manai
Sa cresia est s’antica cattedrale de Bisarcio, chi idi residèntzia de una de sas Diocesi de sa Sardigna, Su vradicu est istau atu una prima vorta in sa metade de sue undighi seculos apustis de Zesu Gristos, in sa cussa chi in su tempus idi sa bidda de Biasarcio. Unu ocu però l’ada distrutta non meda tempus apustis. In su seculu imbeniente (e pros essere precisos in su 1174) est’istà torrà a costruire. Paris cun sa cattedrale, puru su cumbentu e, a d’ala ‘e oras, su campusantu.
Sa cattedrale e sa Diocesi sunu istetias ativas dae su 1065 a du 1503, tantu chi sa localidade ad’apiu importantzia e isvilupu. Apustis su territoriu de Bisarcio est colau a sa Diocesi de S’Alighera, chi in cussu matessi tempus aviada acolliu puru diversas biddas de sa Diocesi de Otzasas (oltras a sa sede, sas comunidades de Oroteddi, Onieri, Orane e Sarule); diocesi puru cussa otzanesa iscontzà dae su Vaticanu.
Sos iscavos sunu istetios postos in contu dae sa Vacultade de Beni Culturali de s’universidade, cun s’atzudu de sa Comune de Otzieri. Impignas una trintina de pessones, tra istudentes e zobanos laureaos dae pacu, chi sunu cumandaos dae su professore Marco Milanese.
Est sue tres annos chi venini atas sas chircas in su terrinu e in sas undamentas de sos locales afurriu a sa cresia. Sos resurtaos – nos ada a contare Felice Manai – sunu bonos. Sunu istetias acatas monedas de cussu tempus, e ateros ozetos (de oro e de prata) presentes in sas tumbas, ca tando vidi s’usantzia de los interrare paris cun su mortu.
Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.
Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.
Merculis, 15 de Santu Gavini 2014
commenta