Su coro polifonicu de sos pitzinnos de s’iscola media “Piero Borrotzu”, de Nugoro, est su tema de sa puntada de oje in Radio Cuore de Aristanis. Nos l’ada a presentare Maria Mossa, batòrdighi annos, una de sa cantadoras de su sotziu.
Maria ocannu est’intrà in sas iscolas mannas (Superiores), ma comente a àteros cumpantzos est sighinde cu su cantu e una paja de vortas sa chida torrada a s’iscola inuve ada picau sa licentzia media.
Cun issa amus a faeddare de comente est cumpostu su coro, cales sunu sas diferentes voches, a comintzare dae cussa de su solista, sa “boche”, si cherimus impreare una paragula picà dae sa tradissione de su cantu a cuncordu. E, galu, sighinde amus a connoschere sa zenia de sa catzones chi achene parte de sa recorta chi su coro proponede in sos cuntzertos, a comintzare dae cussos tènnios in sos locales de s’iscola ‘e totu. Operas tra sas cales bindada puru in limba tedesca e ingresa.
Tra sos contos de sa zobanedda puru sa presentazione de sa mastra, Franca Floris, issegnante de musica, cun radichinas in s’Alighera ma oramai dae una vida in Nugoro; in sa tzitade sa mastra cuvrennada puru su Complesso vocale, chi est’atu de zobanos e dae cantore chi ana colau sos sessant’annos, presentes dae su 1984, cando su sotziu est naschiu..
Sa rubrica, cuvrennà in s’istudiu dae Francesco Pirisi, venidi trasmitia a sas 19,20-21,20 – 22,20 e 23, 20.
Ammentamus chi Radio Cuore de Aristanis est presente in sa Vrequenza 97. Si podede ascurtare puru in Internet, intrande in s’indiritzu www.radiocuore.net
Merculis, 8 de Santu Gavini 2014
commenta