Funtzione in limba sarda e Gosos in sa novena de Sant’Antiocru, in Ghilarzi. Preparascione sacra chi si cuntzada custu sero, pro lassare tretu a sa esta, preventivà pro cras e Sapadu.
Sa ricurrèntzia l’amus a presentare in Radio Cuore custu serodurante sa rubrica “Imparis”, impignà propriu prò signolare sos atopos de su ine ‘e chida. Nos l’ada a contare Marinella Marras, esperta de limba sarda e impignà dae tempus cun su sotziu “Onnigaza” in sa chirca de s’istoria e de sas notissias in supra de Ghilartzi. Durante s’arresonada ana a essere tzitas puru totus sas àteras sacras de sa bidda, parte manna de sas cale si tenene in sos santuarios de su sartu.
Torrande a Sant’Antiocru, de ammentare chi sa die manna de sa esta est Sapadu. A sas 10 est preventivà sa provescione chi ada a partire dae sa cresia impignà promore de su Santu e ada a arribare a sa parrochia, inuve ada a essere nà sa Missa. Comente a cad’annu, in s’isfilada puru unu grupu de tzitadinos in costumene (in abidu rusticu) e sa presentzia puru de sos zobanos a cavaddu.
Sos seros ispettaculos de folclore e de musicas de sos tempos presentes, prò interessamentu de su Comitau naschiu tra sa popolassione, chi s’est picau s’impentza de pessare a promovere e cuvrennare totus sos mamentos mundanos.
Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.
Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.
Jovia, 31 Trivulas 2014
commenta