In Pasada sa mustra de “prendas” e “allerios” de Tino Basile

Frantziscu Pirisi du intervistada oe trasmissione Imparis de Radio Cuore, a sas 19.20 – 21. 20 – 22.20 – 23.20

Tino Basile

Tino Basile

Tino Basile

Dae prima die e fintzas a su tres de Agustu in Pasada est preventivà una mustra de prendas e allerios, otzetos chi ana parte manna in s’arte e in su sentidu de sa zente sarda. Nd’amus a faeddare custu sero in sa rubrica “Imparis” de Radio Cuore. Nos ada a presentare s’atopu Tino Basile, 44 annos, de Bitzi, espertu de custa zenia de arte, e diplomau s’annu colau in su master Deca (Diritto e Economia nella Cultura e nell’Arte), organitzau in Nugoro dae su Dipartimentu de Giurisprudenza de Tattari.

In sa mustra ana essere presentes, cun sos otzetos prus de valore, diversos artigianos de sa materia, a comintzare dae Busonera, una familia de operadores chi achede fintzas tribaglios in su Vaticano. E, paris, sa recorta de prendas regalas in sos diferentes tempos a sa Madonna de s’Annosata de Bitzi, prò li torrare gratzias de un beneftiu otenniu.

Ammentamus chi “Imparis” venidi trasmitia dae Radio Cuore su sero a sas 19,20 – 21,20 – 22,20 e 23,20. Si podede ascurtare puru in Internet, intrande cun s’indirizzu: www.radiocuore.net.

Sa rubrica est cuvrennà dae Francesco Pirisi, in s’istudiu de Aristanis.

Jovia, 24 Tribulas 2014

commenta

Tutte le notizie

Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.