Antonio Mesina in campo – Foto de Facebook
Oje in sa rubrica “Imparis” contamus s’attividade in su football de Antonio Mesina, 21 annu de Durgale. Su zovanu ocannu ada jocau cun s’isquadra de Samassi, in su campionau de Eccellenza, chi est cussu prus artu in gradu tra sos chi sunu presentes in sa regione. A s’attividade de sas isquadras prus mannas Antonio s’est accurziau una paja de annos achede, cando s’este tramudau dae Budoni (in sa Quarta serie) a s’Ascoli, soziu de serie “B”, prò jocare in s’isquadra de se sos zovanos, cusssa mutia Primavera. Un’esperientzia de profettu, l’amus a intendere dae iss’e tottu in s’intervista prò Radio Cuore. S’annu imbeniente est torrau in Gaddura, a Budoni, pro sighire a jocare in serie “D”: unu campionau inuve sunu in tantos a fachere s’attividade prò mestieri.
Su zovanu durgalesu però ada dezisu puru de sighire a istudiare e s’est marcau a s’Universidade de Casteddu, in sa vacurtade de Economia. Propriu prò custu s’est ispostau a Campidanu ed est abbasciau de una categoria in su football, in manera de aere prus tempus de impignare in su libru.
Prò issu su campionau ch’est accabau dae una paja ‘e chidas: su Samassi est resesiu a si sarvare, propriu in sas urtimas partzidas, e Antonio – chi ada su ruolu de attaccante – ada dau un’azzudu mannu, signande 17 retes.
Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.
Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.
Merculis, 23 Aprile 2014
commenta