In sos annos ’70 e ’80 vidi Maria Carta a fachere connoschere sa catzone sarda e a nde retzire onore, oje s’eredade – tra eminas de su cantu – l’ada acollia Elena Ledda. Custu su chi pessana medas cumpetentes e appassionaos de sas sonoridades de sa terra nostra. Oje, Sapadu Santu sa cantante de Selergius est ospite de sa rubrica “Imparis cun sa musica”, dae Radio Cuore de Aristanis. L’amus a ascurtare prima ‘e tottu cun sa catzone “Non mi jamedas Maria”, chi eris sero in sas cresias de Sardigna ada accumpanzau su mamentu in su cale Zesù Gristu est’istau iscravau dae sa gruche. Appustis atteras operas, tra sas cale cussas cantas cun Fabrizio De Andrè e Andrea Parodi, due cantadores (e cumponidores) mortos sos annos colaos, ma galu in su coro e sa mente de su populu.
Elena Ledda, 54 annos, ada aviau s’attivadade dae zobanedda, cominzande a si mustrare in sos parcos de tanta localidades de sa regione. In sos matessi annos ada istudiau in su Cusservatoriu de Casteddu. S’ischerta est’istà prò sa musica sarda, mancari arede già sas calidade prò si proponnere cun sa musica classica. In su 1979 su primi discu, “Ammentos” . Vind’ada sighiu atteros 11. In su 2007 sa recorta de catzones “Rosa Resolza”, chi ada reziu in Sanremo su premiu Tenco, chi ammentada su cantadore e componidore de Genova mortu (de disgràssia) in sos annos ’60.
Sa rubrica, cuvrennà in s’istudiu dae Francesco Pirisi, venidi trasmitia a sas 19,20-21,20 – 22,20 e 23, 20.
Ammentamus chi Radio Cuore de Aristanis est presente in sa Vrequenza 97. Si podede ascurtare puru in Internet, intrande in s’indiritzu www.radiocuore.net.
Sapadu, 19 Aprile 2014
commenta